就黎2019年尾，希望大家2020有新嘅開始，有新嘅思維!!
小弟呢幾年接觸國內人比較多，亦經常跑國內，做左嘢都15年，唔多唔少都係有D睇法，想幫下年青一代，尤其是在學或剛踏入社會。
其實，香港人有幾多個係明白，香港其實係大陸嘅CONDOM??
香港內部
早係我剛出黎社會工作，已經意識到香港政府想對香港市民嘅未來保障縮沙。
當然，低稅嘛，頂盡17% (我都未交到依個水平)，你唔可以期望好似加拿大咁退休咁大保障，就算大陸都有社保，香港.......俾條毛你.............所以如果你咁傻仔仲覺得養老可以靠香港政府，你就真係聽仆街啦~~~~
好啦，咁即係點自救呢??
1. PART TIME, PART TIME, PART TIME, 重要事情講三次
好好利用每年暑假/空閒時間去做PART TIME, 尤其係一D有銷售成分嘅SALES工作 (NOT傳鎖或日日出糧嘅鬼JOB)，摸索下求人洗錢嘅感覺。另一方面亦儲下工作經驗，學識自己賺錢同開口問老母拎零用錢嘅不同。高階少少，了解下每個行業嘅運作，出到黎見工，講句嘢都唔同D，你隔離果個成張白紙咁，仲9吹緊自己偉大嘅理想抱負係希望做WAITER為每一位顧客送上新鮮熱辣嘅食物 (唔好笑，有人咁講架)
2. 理財觀念
嗱, 老生常談到口臭.....但又十分重要。唔好話後生仔，大把人40/50歲都係月光族、周身卡數、過度消費，買埋成屋只會貶值嘅"消費品"，或者搵萬零蚊就話要養車但自己保險都未買.......首先，先攪清楚，"想買 vs 要買"嘅分別，然後要攪清楚 "消費品 vs 資產"，仲有要學識 "延遲享樂" Delay of Gratification，我地都要做一個「高延時者」（high delayer)。例如相機，音響，車，波鞋，模型.........唔係唔可以有興趣，但興趣都可以睇時候同埋睇程度。
好似小弟有一輪買WHISKY都買得好凶狠，但買埋成櫃都飲唔哂，依家將最值錢果幾支日威以買入價幾倍價錢賣左就算，唔買了。
3. 學識投資, 尤其係樓
我指嘅投資，股/樓最多資訊最易學，但亦係最易死嘅。講真，我自己係擺時間留意樓市多過股市，因為我認為投資物價值多少，你就要投入幾多時間去研究，所以個blog都可能講多d樓市。但最最最起碼，你要有個SENSE先，如果唔係，辛苦儲左舊首期，學人買樓，又俾sales叫你去買咩大灣區/泰國/馬拉/日本........一係臨老俾人叫你去買劏埸舖............其實真係好慘，輕則賠訂，重則輸棺材本。但你無得怨個sales，係你自己把持唔住，係你自己無做功課，係你自己貪心.......
講住咁多，年青人想交流下，不妨留言，大家玩下!
好似小弟有一輪買WHISKY都買得好凶狠，但買埋成櫃都飲唔哂，依家將最值錢果幾支日威以買入價幾倍價錢賣左就算，唔買了。
3. 學識投資, 尤其係樓
我指嘅投資，股/樓最多資訊最易學，但亦係最易死嘅。講真，我自己係擺時間留意樓市多過股市，因為我認為投資物價值多少，你就要投入幾多時間去研究，所以個blog都可能講多d樓市。但最最最起碼，你要有個SENSE先，如果唔係，辛苦儲左舊首期，學人買樓，又俾sales叫你去買咩大灣區/泰國/馬拉/日本........一係臨老俾人叫你去買劏埸舖............其實真係好慘，輕則賠訂，重則輸棺材本。但你無得怨個sales，係你自己把持唔住，係你自己無做功課，係你自己貪心.......
講住咁多，年青人想交流下，不妨留言，大家玩下!
