十分歡迎留個言交流下😉
講講今日正題 - 論成家經濟學
我不嬲提議身邊朋友早婚，早生，同埋生兩個小朋友的。
有好多人聽到依度，即拋出一句........
唔好鬧住啦baby.........
早結婚，無錢，咪好囉, skip哂d高消費活動!!
唔擺酒，旅行結婚, 自己親戚食兩三圍，同朋友book個細場玩到癲，婚紗相自己影/friend影，自己做埋後製又文青mode上身，連De Beers都出人造石, 6千幾任揀色，你就知塵世上嘅一切都係虛幻...........
小弟當年結婚，仲有3999一圍，佐敦酒樓埋單係有賺架，依家無依支歌仔唱，所以消費前要諗清楚呀, 親!
=======================================================================
早生
我今日踏入40 (暫時仲係39), 女兒已經10歲，咁代表咩呢??? 當然唔係話自己有幾勁，你知好多人都唔敢生, 尤其是呢半年, 應該出生率其低 (此部份再講)
好啦, 計計數, 我27歲結婚，29歲大女出生, 如無意外我50歲果年我大女會投身社會，為家庭帶來經濟貢獻，即家中到時有3個人搵錢。再2年後，我52歲，二女又畢業，屋企變左4個人搵錢，直至我65歲退休 (如果仲未財自)，其中有整整10年係家庭收入高峰期。
咁計好市儈? 但係事實
誠哥36歲生呀澤鉅，捱到90先交棒呀大佬..........諗起都慘😁
=======================================================================
生兩件
但你有無諗過，將來得佢一個，會面對咩呢??
好啦，佢同佢老婆，都係獨生子女，雙方父母，雙方自己嘅小朋友.......加加埋埋連自己都養7件。自己老竇老母有事，係可以同老婆商量，但始終果個係你老竇老母，唔係你老婆嘅老竇老母，係唔同嘅，明白嗎?
偉大的國由1980開始一孩政策都係行到2016年廢除，就知唔好嘅地方多過好嘅，所以大家一定要跟黨嘅路線走呀!
好啦, 講住咁多，十分歡迎留個言交流下😉
沒有留言:
發佈留言