004 唔怕生壞命，最怕改壞名

先戴返頭盔：本人不懂風水命理, 幫個細路改名, 只為慳錢!!!

我所有小朋友個名係我自己改的，甚至幫朋友的小朋友改過。

其實, 當要改名, 我地諗左一大堆字....但字海茫茫, 又要好聽, 又要特別......應該從何入手呢?

係我自己做左一d research之後, 發覺一定要有d"依據", 先會比較容易去改一個名.....

我既理念:

• 名要夠響
• 不容易撞名 (阿偉, 阿燕, 阿成 咪通街都係囉)
• 不容易改花名 (徐富榮, 吳美麗，周賓....)
• 不老土, 經得起時間考驗 ("綺霞" "淑珍"可能60-70年代好興好潮架)

但係咁都唔夠, 最後做左research, 睇左一d姓名學既文憲, 就決之以姓名學出發啦!

講多次, 唔好笑, 風水八未命理嘅嘢我真係唔識嘅!!

先以小女既出生時間, 計出時辰八字, 再計返最適合佢既筆劃組合, 當然, 個字除左要夾筆劃, 五行, 仲要夾埋字義....如果樣樣夾埋, 就天下無敵......

咪住.....如果個個咁夾, 咁無窮人啦!

正所謂好醜命生成, 你出生既八字已經形成你既命格, 你信姓命學, 只不過係希望大家都同一條命, 會過得好d舒服d?? 天生一條乞兒命, 點解有d乞兒無病無痛, 仲肥過我地? 有d就百病纏身, 骨瘦如柴?? 

當然, 名唔能夠改變一切, 我只不過當佢係一個"依據", 去方便我搵字....

以下介紹d網, 大家都可以玩下, 好funny架!!! 下面我地用浸浸做例子:

浸浸係1946年6月14日10:54AM出世，好似係......

Step 1:

改名前, 睇睇依度: http://www.ifortune-teller.com/magazine/magazine-6.htm

1) 最好你2個字既名, 唔好單字名

2) 筆劃要跟康熙字典: http://www.kangxizidian.com/  唔好用一般既現代字典

3) 個名果2個字既筆劃, 最好有單有雙, 咁先陰陽調和

Step 2:

好啦, 跟住就要計計你個小朋友既時辰八字, 再睇下佢既五行係欠d咩野

係依個網, 輸入佢既西曆出生年月日時間, 就可以睇到八字 https://fatew.com/

其中用神建議，會有依一句HIGHLIGHT左：此八字喜木水運，忌金土運。

以上例子, 個名果2個字, 就應該揀返屬木水啦!

Step 3:

唔好玩啦, 咁我又點知咩字係屬"木水"呢?

簡單d講, 每個名又分天格, 地格, 人格, 外格 同埋 總格. 有唔少website有講點計, 不過我咁懶, 梗係搵到d網, 幫你計埋啦!!

又係入出生年月日時間, 今次入埋個姓 "當" http://clickfate.com.tw/namefate/pname81plus.shtml

咁就知道有咩筆劃可以揀啦.....

好似我浸浸咁, 個名果2個字, 可以有以下組合:

2/6, 2/16, 3/5, 3/15, 8/16, 8/24, 12/6, 18/6, 18/14, 18/17

依個網, 最抵死係每個組合你再click入去, 有埋果組筆劃既字俾你揀, 問你死未?!

Step 4:

去到依個step, 你應該已經揀左好多組合, 又或者已經有一堆字係手, 不過唔知點去組合姐.....

當然, 去到你順耳都已經ok架啦, 不過想再做好少少??? 又得.......

Step 5: 

我鐘意跟埋個生肖去揀字，依度http://www.131.com.tw/word/b1_4.htm

例如浸浸屬龍，個網寫: 宜選用有「氵」、「水」之字根，因龍喜水，龍得水，亦適得其所，一生能發揮所長，做什麼像什麼。

咁揀咩字又清晰D啦!!

Step 6:

再想好D??  你可以夾埋個字本身有咩字義，甚至出處係邊........等等

頭先既康熙字典: http://www.kangxizidian.com/ 有字義

依個網: http://words.sinica.edu.tw/sou/dictionary.html 就簡單易明d!

再去埋依度, http://words.sinica.edu.tw/sou/sentence.html  仲可以搵到個字係論語 , 孟子, 大學, 中庸, 老子, 莊子, 唐詩三百首裡面邊度出現過......

Step 7:

最後, 你已經有幾個名係手, 去依度, 入哂所有資料, 就可以揀出你既最後心水啦!!!

http://www.dearmoney.idv.tw/babyname/menu_babyname.asp

咁就會同你check哂夾唔夾架啦!!!

再次歡迎大家留言!!