其實而家成個樓市，係講緊香港經過大半年嘅政治事件都仍然咁企硬嘅時候，你睇到其實香港嘅樓市係十分有支持力。就例如香港仲有60%幾個percent嘅住宅都係供滿左，但係啲60幾個percent嘅人係唔會監平監賤賣俾你。所以希望年青人要認清呢個事實，樓價系唔會有可能俾你執到死雞，就算有死雞嘅情況呢都唔輪到你去執㗎啦。
其實最大一個問題始終就係離不開供球問題。依家因為供應實在太少，講緊2021-2022年都係一個懸崖式嘅供應暴跌https://eastweek.my-magazine.me/main/83779，再加上低息環境，我真係覺得冇乜大嘅可能會跌囉！
有人話新嘅武漢沙士又來啦喎，咁樣其實我諗大家要清楚件事，因為香港人始終經歷過沙士，佢會知道疫情係有完結既一日，當有完結一日嘅時候，其實樓價始終係都會返番上嚟！咁你話今次武漢沙士會唔會又係一個疫情而令到樓價突然間跌得太犀利呢？我睇個情況就未必會啦。
所以其實歸根究底，樓市嘅供應量想要短期之內大增呢，只係有一個方法！就係將二手市場嘅力量釋放！我建議呢政府應該將三年轉賣期嘅限制呢降返去兩年甚至乎係一年。其實呢個樓市政策嘅原意係防止炒賣啫，咁我相信其實唔好講摸貨啦，你限制半年已經防止到炒賣。
今日諗sir講左2020買樓策略：
想穩陣，500-700萬樓，因為想跌都難
想博下，700-1200萬三房左右，承接力足
想食大茶飯，1800以上，但要有坐嘅準備
沒有留言:
發佈留言